...

Aston Martin-ის სუპერქარი One-77 მსოფლიოში ყველაზე მძლავრი ატმოსფერული ძრავით აღიჭურვება, - ირწმუნებიან ბრიტანულ კომპანიაში. ამ ავტომობილზე ახალ, 7,3 ლიტრიან V12-ს დააყენებენ, რომელიც დაპირებული 700 ცხ/ძ-ის ნაცვლად, 760 ცხ/ძ-ს გამოიმუშავებს.

სუპერქარის მაქსიმალური სიჩქარის ზღვარი დაზუსტებული არაა. Aston Martin One-77-ის 700 ცხ/ძ-იან პროტოტიპმა 100 კმ/სთ სიჩქარის განვითარება 3,5 წამში შეეძლო, მისი მაქსიმალური სიჩქარე კი 335 კმ/სთ-ს შეადგენს. ავტომობილის წონა, რომლის კონსტრუქცია ნახშირბადის ბოჭკოვანი მასალისგან შეიქმნა, 1500 კგ-ს შეადგენს.

აღსანიშნავია, რომ Aston Martin ამ მოდელს Bugatti Veyron-ისა და Lamborghini Reventon-ის მეტოქედ განიხილავს. სუპერქარი შეზღუდული სერიით, 77 ეგზემპლარად გამოვა, მისი ფასი კი 1,7 მლნ დოლარი იქნება. "არმოსფერული რეკორდსმენი" ბაზარზე წლის ბოლოს გამოჩნდება.

გავრცელდა ცნობა, რომ უცნობმა ბრიტანული კომპანიის ერთბაშად 10 სუპერქარზე შეკვეთა წინასწარ უკვე გააკეთა, რითაც Aston Martin–ის ისტორიაში ყველაზე მსხვილი შენაძენის ავტორი გახდა. შემკვეთის ვინაობა არ სახელდება, თუმცა, სავარაუდოდ ის ახლო აღმოსავლეთიდანაა.